نحضر الصوص الحمراء ونبدا نقلي في قطع الدجاج مع البصل حتى يطيبو مليح ثم نرمي عليه طماطم مفرومة وطماطم مصبرة ونقليهم مليح نزيد الثوم الزعيترة وورقة رند (غار) ونخلط ونزيد التوابل مرحية وكركم وزنجبيل ورأس الحانوت والزيتون مقطع صغير ونخلط ونضيف قرصة سكر لكسر الحموضة ونخلط مليح بعد مايتقلاو نزيد نصف كاس ماء ونتركها تقلي حتى تخثار ونرمي الكزبرةالمقطع ونحرك ونطفي

نجيب مول تاعي لي يدخل في الفرن وندهنو بالزبدة

نحضر صلصة الحمراء لي حضرتها ونخلطها كامل مع المعكرونة لي طابت ونقدر نزيد معاها الفرماج نحط نصف الكمية في المول ونسقي بالصوص الجبن نصف الكمية أيضا نعاود نكمل نحط النصف لي بقى من المعكرونة ونكمل نسقيها بالصوص الجبن وممكن نضيفلها من السطح جبن مبشور ونطيبها في الفرن لمدة عشر دقائق أو أكثر من الأسفل ثم نعاود نحمرها من الأعلى ونقدمها