اولا نحضر لعجين ندير الفىينة والملح ونجمع بالماء حتى نتحصل على عجين لمسمن نخليها ترتاح شويا ونشكلها كورياات صغااار ونغطيها ترتاح من ساعتين للفوق ومن الاحسن في الثلاجة بها ماتصخاش وتبقى تتقطع

نحضرو الحشو انتاعنا نقلي البصل في شويا الزيت مع الملح ونضيف لها الشلاطة والجزر مرابي ومن بعد كبد الجمل مرحي نقليهم مليح ونضيف طماطم ونبقا نقليهم حتى نحس بيهم طابو نزلوهم ونضيفولهم بطاطا مطبوخة ونخلط ونخليهم يبردو

نجيب الكورية انتاعنا ونفتحوها على لبلاطو بإستعمال الزيت حتى ترقاق خلاص من بعد نحطها على طاجين فوق النار هادية ونقلبها مرتين ولا ثلاثة برك ونحيها

ونكمل الباقية للي ماتنجم تهزها تستعين بورق الطهي تفتح فوقه الكورية انتاعها وتحطها فوق الطاجين وتنحي ورق الطهي كما في الصورة

انا حبيت نجربهم ونوريكم كفاش يجو وعليها حضرت معاكم الحشو نعمروهم ونقلوهم عادي وبالنسبة للحفط لازم تحطي بين الورقة واختها بلاستيك وتحتفظي بيهم