في وعاء نضع السميد والزبدة ولا سمن ونبسس مليح نضيف رشة ملح ونبدا نلم بماء الزهر حتى تتلم العجينة مباشرة نبدا نخدم بيها نحط ساشي ونفتح العجينة على شكل مستطيل ماشي رقيق بزاف مليح وندير الغرس لي نكون نقيتو وخدمتوا بشوية زيت حتى نتحصل على عجينة طرية نفتحوا مستطيل يجي في نص لعجينة ومبعد نغلق العجينة باش ميبانش الغرس ونغلق الاطراف مليح ومبعد نحكم موس نقلبوا على الضهر وندير خطوط ماءلة ونكرر العملية بالعكس ونقسم المقروط على شكل اصابع ونقليهم على نار متوسطة حتى يحماروا نديرهم في عسل بارد