نغسل خياشيم السمكة كويس من اي شوائب مع الحرص الماء متدخلش جوة السمكة

ننشف السمك كويس ونضعه في مصفاة مقلوب علشان يتصفى كويس من اي ماء او دم فيه ونسيبه حوالي ١٢ ساعة

ننشف السمك تاني كويس من اي سوايل ممكن تكون فيه نمسك السمكة نحاول نفصل اللحم عن الشوك وبعد كده نقلب الشطة مع الملح ونحشي الخياشيم بتاعه السمكة كويس جداً وكمان من عند بؤها نملاهم بخليط الملح والشطة

نلف كل سمكة لوحدها بلاستيك راب او أكياس بلاستيك وقبل ما نقفلها نرش على جسم السمكة شوية من الملح ونحط ملعقة كبيرة من الزيت

نرص السمك في كيس كبير كل سمكة عكس الثانية ونقفل عليهم كويس ونخرج الهوا ونحطه في مجموعه أكياس كتير

نسيب الفسيخ حوالي اسبوعين حسب حجم السمك وضروري نقلب كل يوم الكيس اللي فيه الفسيخ على الجهة الثانية

بعد المدة المحددة نفتح على الفسيخ وننظفه ونقدر نحتفظ بيه في علبة نظيفة في الثلاجة لعند الاستخدام وبالهنا تفاصيل الوصفة كلها على قناتي يوميات مامت حمزة وزياد