نغسل حبات الخرشوف كويس جداً بعد كده نقطع الجزء الاسفل من الخرشوف بالسكينة

نقشر الجزء العلوي من الخرشوف وكل جزء نقشره لازم نمشي عليه كويس بالليمون عشان ما يسودش

بمعلقة صغيرة نقشر قلب الخرشوف ونمشي عليه كمان بالليمون ونحضر طبق فيه المياه والدقيق والخل والليمون وكل حبة نقشرها بنفس الطريقة وننزله في المياه السابقة

نحط ماء تغلي على النار وفيها ملعقة البيكنج صودا وبعدها ننزل فيها الخرشوف واحدة واحدة لمدة دقيقتين

نخرج الخرشوف على ماء بتلج فيها عصير ليمون ونسيبه يهدأ وبعد كده نقلبه في مصفاة

نرص الخرشوف في الأكياس ونحتفظ بيه في الفريزر لعند الاستخدام وبالهنا