نبدأ بتحضير العجينة : نضع الفرينة و الزيت و الملح و نخلطهم ،نضيف خميرة الخيز و السكر و نجمع بالماء حتى نحصل على عجينة طرية مثل عجينة البيتزا.نتركها تختمر مدة نصف ساعة في مكان دافيء.

بينما العجين يختمر ،نحضروا الحشو : بطاطا مقلية ،صدر دجاج وجدتلوا التتبيلة (ملح - فلفل اسود - خردل - زيت زيتون - راس الحانوت و كركم) نطيبوا و نخلي فيه الصلصة تاعوا مانخليهش ينشف ،ثم نقطعوا الى قطع صغيرة

بعد مرور نصف ساعة ،العجينة تكون خمرت ،نشكلها كريات ،انا جاتني 11 كرية صغيرة.غير نكمل نشكلها ،نبدا نطيبها مباشرة :نفتحها بالاستعانة بالفرينة ،نفتحها رقيييقة بزاف و نطيبها على الطاجين من الجهتين ،مانخليهاش تحمار بزاف و كي طيب نحطها في منديل من القماش و نغطيها حتى نكمل كل الكمية.

كي نكمل الخبز ،نوجد صلصة الطاكوس : علبة كريمة طازجة خاصة بالطبخ ،نضيفلها جبن لي جاي على شكل كاشير شرط يكون يذوب ، نقوم ببشره و نخليه يذوب معاها على نار هادئة ،نزيدلها شوية ملح و فلفل اسود و معدنوس مقطع رقيق.

نحشي الخبز بالمكونات و نديرلوا الصلصة قبل وضع المكونات و بعد وضعها و نغلقو بشكل مستطيلي و قبل مانديرو في آلك البانيني ندهنو بهاديك الصلصة لي بقات من صدر الدجاج باش يجينا رطب و ماشي يابس كي نضغطو عليه و صدقوني يجي اكثر من رائع بمكونات غير مكلفة.