شاورما سوري على الفحم
شاورما سوري على الفحم
إفتح في تطبيق كوكبادالخطوات
- 1
هنقطع الفراخ شرائح رفيعه جداً ونغسلها بخل وملح
- 2
هنحط خليط ماجي على الفراخ و معلقتين لبن و نص ليمونه و ملعقة كبيره خل ونسيبه يتبل من ساعة لساعتين. (نبدأ في تحضير التوميه في الوقت ده)
- 3
بعد ما تتنقع نحط الفراخ على النار ونسويها نص سوى ونسيبها تطلع مايتها تماماً واول ما تنشف شوية نطفي عليها هتبقي بالشكل ده
- 4
نحطها في صينيه و نعمل فجوه في النص عشان نحط فيها الفحماية بعد ما سخنت و نحطها في ورقة فويل وندخلها الفرن تحت الشوايه بالشكل ده
- 5
اهم حاجه في الخطوة دي انك كل شويه تبصي على الفحمه لو حسيتي ان الدخان قل هتحطي عليها سمنه عشان تدي ريحه الشوي
- 6
اول ما نلاقي الفراخ احمرت نقلبها شويه و نحط عليها سمنه عشان تحمر كلها لحد ما تبقي بالشكل ده
- 7
نطلعها من الفرن ونسيبتلفحمه فيها ونغطي الصينيه بغطا حلة ونحط اهر مرة على الفحماية سمنه و نقفل عليها الغطا لحد ما تتطفي لوحدها (الخطوه دي اللي بتخلي الفراخ مشويه فعلاً)
- 8
نجهز السندوشات بقي نحط العيش الصاج بالشكل ده و نحط الشاورما و البطاطس والتوميه والخيار والجبنه و نلف العيش ونقفله من كل النواحي زي المحشي كده
- 9
نجهز الجريل او طاسه تيڤال اي حاجه ونحط عليها السندوتش بالشكل ده و ندهن السندوتش زيت عشان يتحمر ويبقى مقرمش ونضغط عليه وهو على الجريل عشان ياخذ لون بسرعه
- 10
الشكل النهائي ♥️♥️♥️♥️
- 11
التوميه بقي هندوب معلقتين النشا في الماء ونحطها على نار هاديه لحد ما تبقي مهلبيه.نشيلها ونحطها في الثلاجه ساعتين على ما قوامها يتماسك
- 12
نحط المهلبيه في الخلاط و نحط الخل والثوم والليمون و ٤ ملاعق لبن ونضرب كله
- 13
بعدين والخلاط شغال هفضل انزل سرسوب زيت قليل اوي مقدار ربع كبايه بالتدريج.اول ما احس القوام اتماسك والخليط بقي متجانس اشيله.لمحبين الاكل السبايسي (هنحط ٢ ملعقة كبيره شطه على الخليط ونقلب لحد ما نلاقي لون التوميه بقي بينك)
Keywords
وصفات مشابهة
وصفات ننصحك بمشاهدتها
التعليقات