نخلط الماء مع السميد ونلم بالماء ونخليه يريح شوية ونغطيه ببلاستيك

بعد ماريحت لعجينة ندلكوها شوية وكان عادت يابسة نزيدولها الماء بالشوي وندلكو حتان تولي طرية

نشفوها مليح من الماء كدير فقاعات نعرفوها عادت واجدة

نلوز لعجينة لوز صغار بالزيت ونغطيهم ببلاستيك يرتاحو شوية

نوجد الطاوة تاعي نسخنها ونبدأ نفتح باللوزة نفتحها بالزيت بيدي مليح ونرفدها بين يديا ونحاول نفتحها ونحطها فوق السنيوة اللي نشتغل عليها نحطها شوي زيت ونطويها على الاطراق ونزيد شوي زيت ونطويها مرة أخرى على شكل مستطيل ونقرصها مليح باش تعود كبيرة ورقيقة

ندير الزيت في الطاوة غير بين صباعنا شوي باش ماتلصقش لمسمنة ونلوحها نطيبها على ألجهتين. وهكذا نكمل باقي اللوز

وشهية طيبة.