प्रथम चिकनचे 1" चे छोटे तुकडे करून, स्वच्छ धुऊन घ्यावे.

चिकनला आले-लसूण पेस्ट, मिरचीपूड, मिरीपूड, गरम मसाला, धणे-जिरेपूड, कसुरी मेथी, सैंधव मीठ, चवीनुसार मीठ लावून घ्यावे. त्यात कोथिंबीर, मैदा, कॉर्नफ्लोअर घालून एकसारखे करावे.

चिकनच्या मिश्रणात अंडे घालून चांगले कालवावे.

तेल चांगले गरम करून त्यात चिकनचे तुकडे सोडून गॅस बारीक करावा. चिकन लालसर रंगावर तळून गरमच सॉस किंवा मेयोनीज बरोबर खायला द्यावे.