العجين ١٠ دقايق بس انا بخليها تطول وهي تختمر..

بحط كوبين طحين و سكر و خميرة و ملح وماء بحركهم (تكون رخوة العجينة طبعاً) بتركهم ١٠ دقايق لحتى تختمر شوي

بعدها برجع وبكمل المكونات بحط الطحين وحليب وزيت وتومه والبصل(بعطو نكهه زاكيه لعجينة البيتزا) وبعجنهم لحد ما تصير ما تلزق بالإيد

بتركها ترتاح ساعه لتختمر

هلأ نيجي لل صوص بحط البندوره في الخلاط معها شوية مي ورب بندوره وبخلطهم

بمقلاي بحط بصل وتومه وزيت وبتركهم يتذبلو

بعدها بحط الي بالخلاط وبحركهم وبحط فلفل الاسود والخل وسكر وملح بتركهم لحتى يتسبكوا ويخلصو

بحط بالصينيه الي بدي اعمل فيها البيتزا زيت وبفرد العجين ( هلأ بشكل عام عجينه ل١٠ دقايق بتنفش.. حتى لو تركتها ساعه... لهيك لما احط العجين بالصينيه احاول ما تكون خميله كتير ولا رقيقه كتير

بحط فوق العجين صوص البندورة

بعدها موزريلا وبحط الفليفلة بانوعها وزيتون ونقانق وبصل وبرش ع الوجه الموزريلا

بشويها من تحت اول وبعدها من فوق ما اطول عليها

صحه وهنا 🤭🤭