نبسس تشيشة مع سكر حتى يتجانسوا مليح ،نضيف الملح (ملعقة صغيرة) وكاس سمن ،نبسو مليح ونبدا نضيف ف ماء ونبسس ندير نص برك ويولي مشمخ نغطيه نخليه يرتاح ساعتين.(سمحولي نسيت مصورتش بعد ما تشكل عجينة)

بعد ما ارتاح كملت عجنتوا بكمية الماء لباقية. وشكلتوا عجينة حطيتها ف لبلا ، رسمت بالموس الحبات برك، ماقسمتش ،حطيت كوكاو مكانش عندي لوز ،😂، دخلتو للفور فتحت من تحت تقريب 50 د حتى يحنارو الجوانب، افتحوا من لفوق 5 د برك، بعد عسلوه ب شاربات باردة، مذبيكم تخلوه يبات يتشرب ملييح ،(خاوتي مصبروش ههه تعسل 2 سا برك)