خبز السميد او خبز الكوشا
الوصفة على قناتي mon petit coinيا مرحبا بكم
إفتح في تطبيق كوكبادالخطوات
- 1
نخلطوا السميد و الماء و الخميرة و السكر نخلوهم يخمروا من 15دقيقة الى 40 دقيقة حسب حرارة المطبخ
- 2
بعد ما يخمروا نضيفوا نص كاس زيت والفرينة شوية نخلطوهم و نزيدوا الملح من بعد نبقاوا نضيفوا الفرينة حتى تتلم العجينة (لازم تبقا تتلسق متكونش متمسكة بزاف) ممبعد نخلوها تخمر مدة 40د واذا كانت سخانة في المطبخ تطلع بلخف
- 3
بعد ما تخمرلي العجينة نحوها نكسرولها لخميرة نقسموها على زوج، الاولى بيدينا نديرولها الزيت و نديروها في وسط طبسي سميد من بعد نحطوها في السنيوا ونديروها على كل دائري و نخلوها تاني شوية مدة 10د ونطيبوها متفتحيش الكوشة حتى تطلع الخبزة وتحمر ملتحت
- 4
لوقت لطيب الاولى نوجدوا الثانية و من بعد تان نطيبوها نفس الطريقة لحبة ديرلها زيتون يخرج بنين تان عن تجربة هاكا نكون مدتلكم الوصفة والله يبارك جاني خفيف و هشيش نتمنى يصلحلكم و يجي بنين ولي مفهمتش مليح تروح ليتيوب لقنانيmon petit coin اترككم في رعاية الله
Keywords
وصفات مشابهة
وصفات ننصحك بمشاهدتها
التعليقات (5)