هذا الرز الاسمر الايطالي انقع الرز قبل ما ابتدي طبخه بساعتين

احط الدجاج المقطع في قدر مع ماي ومكعب الخضار من ارض الطبيعة

احط في عود خشب الفطر الطازج واقطعه بهالطريقه اسهل من حبة حبة التقطيع

اجهز قدر ثاني واحط فيه اشوي زيت زيتون واحمس الحبة بصل بعد مايذبل البصل

احط معاه في القدر الفطر المقطع واحمسه بعد ماينحمس الفطر احط عليه الدجاج الناضج اللي في القدر الثاني

احط الرز عليه واخلطه على نار متوسطه وبعدها اضع ماي الدجاج اللي في القدر الثاني(مرقةالدجاج) عليه واحركه

لين ماينشف تماماً

اضع عليه كريمة الطبخ لايت واقلل من درجة الحرارة واحركه اشوي واغطيه بالغطاء القدر واذا ماعندك كريمه الطبخ لايت نسوي خلطه البشاميل (نضع كل كوب حليب قليل الدسم ملعقتين طحين على حرارة عاليه ونحركه لحد مايثقل الخليط) لين ما احس الرز نضج طبعاً اخذ معاي تقريباً ساعة هذا الرز اشوي خشن او فيه قشره من بره تحسينه خشن

بعدين اضيف عليه الاجبان بس مجرد يذوب نحركه بسيط ونرش عليه فلفل اسود مع التحريك مدة دقيقتين او اقل وبالعافيه