نحط مغرف زبدة وشوية زيت ونزيد عليها بصلة مقطعة وثوم رابي وجوا حار ونقلي مليح ومن بعد نزيد زيتون و زرودية (جزر) مقطعة دوائر ونزيد معاهم مغرف فرينة

ونقلي مليح باش تجيني خاثرة ومن بعد نزيد توابل و نمرق ونخليها حتى تخثارلي ونزيدلها 40 سل من كريمة طازجة

للرولي دجاج نجيب صدر دجاج مفروم نزيدلو معدنوس (بقدونس) و زوج مغارف شابلير وسنات ثوم ومغرف زبدة ونديرلو توابل زنجبيل كركم فلفل احمر ونمزجهم كامل مليح ومن بعد نجيب غطاء شفاف

ونحط عليه كمية من لحم مفروم ونبسطو بيدي كيما اي مثل فصورة ونديرلو فرماج (جبنة) طري ولا مبشور ونلفو بمساعدة سيلوفان ونعملو على شكل لي موضح

ومن بعد نلفو فورق المنيوم ونغلقو من جوانب مليح ونحطو فلكسكاس يفور لمدة 45 دقيقه وكي يطيب (يستوي) نحمروه فلفرن ونخلوه يبرد ومن بعد نقطعوه باش مايتفتتش

ونقدموه بهذا طريقة وبصحة والهنا