في صحن نحضر الدجاج المرحي نضيفلو البصل الملح والفلفل الاسود ولاشابلير والثوم المرحي والبيضة ونخلط مليح

نحل الورق الشفاف ونطرح فوقو الدجاج المرحي و نزيد فوقو الجبن ونرولي ونزيدلو ورق الالمنيوم ونقفل مليح ونخليه في الثلاجة

في طنجرة نحط كاركسة تاع الدجاج والبصل والكرافس والملح والفلفل والزيت ونقلي مليح مبعد نزيد الجزر والزيتون ونقلي مليح ونضيف الماء لما يغلي المرق نحط الرولي يطيب (يستوي) في المرق

لما يطيب (يستوي) الرولي نحيه من الطنجرة ونحيلو ورق الالمنيوم وورق الشفاف بعد ما يبرد ونحمرو في المقلة

وكي يطيب (يستوي) الزيتون والجزر نضيف الكريمة السائل للمرق نخليها تغلي ونطفي

في صحن التقديم نحط الرولي بعد ماقطعتو دوائر ونحط مرق الزيتون ونزين بالليمون والدبشة مقطعة