بجاط نضع البرغل وفوقه السميد وفوقه كاسة ونصف مياه مغلية ويحرك حتى تصل المياه لجميع البرغل والسميد ثم يغطى جيداً جيداً ويترك لمدة ساعة كاملة

بهاد الوقت بحضر الحشوة بقطع البصل صغار والدجاج قطع صغيرة

بحط ملعقة زيت اونا وبدبل البصلة بس تدبل بشيلا بزبدية صغيرة عجنب وبحط الدجاج ليستويي تماما بقيمو عصحن وبصفي كل المياه تمااااما لازم تكون الحشوة ناشفة ثم بحط الدجاج وفوقه البصل وبقلبن علنار بدوووون زيت وبحط الدبسين والبهارات وبس يختلطو جيدا ويتشبعو من نكهات بعض بشيلن بجاط عجنب وبصفين قد مافيي

هلق بعد ساعة برجع للبرغل بكشف عنو وبحط البصلة المبشورة والبهار والدبسين والزيت وربع كاسة مي فاترة وببلش بعجن بعجن بعجن بعجن وممكن اقلبن لصينية لسهولة العجن

بعجن 🙂

بضل عم اعجن 😊

🙄 والله لسا عم اعجن

😄ياجماعة بدا فرك وعجن ودق بالأيد او مدق التوم (بدون توم 😁) شي ربع ساعة تلت ساعة

كل ما اندعكت وانعجنت واندقت وقت كافي ساعدتني العجينة وصارت اطيب

بعدين بلم العجينة عبعضا بتصير كتلة واحدة وملساء ومتماسكة وسهلة التشكيل بس تصير هيك مريحة برجعا علجاط وبغطيا مشان ماتنشف وبحطا بالبراد نص ساعة

بعدين يارب منبلش شغل منجيب زبدية صغيرة فيها مي بحرارة الغرفة وبحط ملعقة صغيرة معباي نشا

انا حبيت هاد الشكل وانا اول مرة بجرب قرص كبة فعذرونا علشكل الغير مثالي بس كتجربة اولى بحياتي اروع من رائع وممتاز ورح تدعولي 💙

المهم كونو رمضان منحطن بالصينية ومنرفعن علفريزة ليتجمدو ووقت الافطار

بدي زيت غزير (يغمر كامل حجم الكبة) وحامي جداً جداً اهم شي

بسقط حسب حجم المقلاي مابكتر ابداااا 3 قراص ل 4 بالكتير حسب حجم المقلاي بنزلن عحرارة غاز عالي لدقيقتين بعدين بنوص للآخير حوالي 4 دقايق ليستويي من قلبا بيكون صارت تمام وهيك لتخلص الكمية

عملتا بطريقة صحية واقتصادية 💙

وصحتتتتتتين وهنااا 💕🌹