اولا نخدم شاربات ندير سكر وماء وشريخة ليمون في كسرونة على نار ونخلوها حتى يذوب سكر ويبدا يغلي سيرو نحسبولو 5 دقايق ونطفو عليه ونزيدو عليه فنجان ماء زهر

للخلطة سحرية نجيبو زوج كيسان سكر ونزيدو عليهم كاس زيت و نصف كاس حليب ونصف كاس ماء زهر ونضربوهم بلميكسور حتى يذوب سكر ويولي خليط كريمي كيما فصورة

للعجينة ندير سميد ونزيدلو قرصة ملح و سكر فانيليا ونخلطو مليح ومن بعد نزيدلو خليط كريمي لي خدمتو ونخلط غي شويه باش مايتعلكش سميد ويجينا معجن فلوسط

نجيب صينية ندهنها بزبدة ونفرغ خليط نتاعنا ونسويه من فوق بدون ضغط عليه ومن بعد نقسمو بلموس ونزينو بلوز وندخلو للفرن كنت مسخنتو على درجه الحراره 160 درجة وشعلت عليه تحت ودرتو لفوق خليتو لمدة 45 دقيقه حتى حمارلي مليح ومن بعد خرجتو دهنتو بزبدة من لفوق وشعلت عليه من لفوق وحمرتو

من بعد ماتحمرلي خرجتو وشربتو بشاربات بتدريج ومن بعد رجعتو للفرن وهو طافي خليتو 10 دقايق وخرجتو وخليتو ليلة كاملة من بعد باش قسمتو

وبصحة وراحة نشاء الله تجربوه وتنجحو فيه ♥♥♥