لتحضير العجينة نضع كل من الفرينة والملح ونجمع بالماء حتى نتحصل على عجينة طرية نلمها برك ما نعجنش نخليها تريح قليلا ونحلها بالحلال ونبرش الزبدة ونطوي على مرتين ونحل بالحلال ونخليها تريح نصف ساعا نعيد العملية3 مرات هكذا تكون العجينة جاهزا للاستعمال

الحشو انا حضرت صلصة طماطم عادية بصل ثوم وطماطم مصبرة قليتهم في الزيت وظفتلهم 4حبات طماطم ونتركها تطهى وصدر الدجاج قليتو مع حبة بصل وثوم وفي الاخير ظفت الجبن ولكريمة الطازجة

نحل العجينة تاعي ونشكل الاشكال التي ارغب ما نضغطش عليها كثيرا ونضع الحشو وندهن بصفار البيض مع تفادي لمس الحواف كي لا تلتصق العجينة وينتزع التوريق هذا سر تاع العجينة باه تجي مورقة ندخلها للفرن لي كنت سخنتو على درجة 180حتى تطهى