جيبي اللوبيا نقيها وقطعي كل حبة لنصفين و غسليها مليح مليح. كي تقطر شوية حطسها في كسكاس و فوريها (مع غلق الكسكاس بالغطاء)

في هذه الأثناء في طاجين حطي ملعقة سمن و شوية زيت و البصل مقطع بشكل جد رقيق قليهم شوية

أضيفي اللحم و عود القرفةو قليهم مليييح حتان (حتى) يتحمر اللحم و يذوب البصل

تبليهم بالملح و الفلفل

زيدي عليهم الجزر مقطع دوائر

قبل ما تمرقي زيدي عليهم مغرف كبيرة ممسوحة فرينة (تثقل المرق)

مرقي حتى تختفي جميع المكونات و طيبيها على نار متوسطة

اللحم و الجزر راهم طابو الآن.ادا شفتي المرق بزاف زيدي للنار (جهديلها) باش المرق ينشف و تتجمر

في مقلاة ديري شوية زيت ما تكتريش و كي تحمى فوتي فيها اللوبيا تتحمر.بقاي تقلبي فيها حتى تتحمر و زيديلها نصف ملعقة كبيرة أو أكثر ثوم مراپي.. و ملح و فلفل أسود و ملعقة طماطم مصبرة.. قليهم مع بعض جيداً

بعدما تجمرت المرقة تاعنا نضيفولها اللوبيا و نخلطوها مع بعض

نصبو اللي في الطاجين في وعاء زجاجي (اللي يطيب (يستوي) في الفرن).. مثل ما هو في الصورة

نديروه في فرن يكون مجهز من قبل و نخلوه يتحمر و يتجمر أكثر