خبز بريوش بنييين بحلة جديدة 😍 ما تراطيش
خبز بريوش بنييين بحلة جديدة 😍 ما تراطيش
إفتح في تطبيق كوكبادالخطوات
- 1
سخني الفرن تاعك على درجة حرارك مرتفعة.
- 2
في قصعة أو آنية مجوفة (غارقة) فرغي الماء زيديله الخميرة و السكر و الحليب الجاف و الخل والزيت و حبة البيض اخلطي الكل بالضراب اليدوي حتى تنسجم.
- 3
أضيفي الفرينة مع الملح و حبة الحلاوة (ابدئي بكمية صغيرة) و أضيفي كلما دعت الحاجة إلى ذلك.
- 4
يجب أن تكون العجينة طرية حتى و إن التصقت قليلا في يدك فليست مشكلة.
- 5
زيديلها الزبدة (الزبدة ستجعل العجينة غير لاصقة). دخلي الزبدة مليييح بأطراف أصابعك👇👇 مع الدلك✊✊ (وعمل بوكس) 👊👊👊 😁
- 6
خليهل ترتاح لمدة ساعة في بلاصة دافية.
- 7
فرغيها من الهواء و قسميها إلى أقسام حسب الرغبة (أنا درت 4 كرات صغار)
- 8
على طاولة العمل رشي السميد و حطي خبزتك (المكورة) و رشي فوقها أيضا السميد و حاولي تبقاي دوري فيها باش تكتسب الشكل الدائري
- 9
ثم في الصينية حطيها و تماك بداي تحلي فيها براحة اليد و الأصابع برفق (لأنها طرية بزاف)
- 10
كملي هاكداك مع بقية الخبزات غطيهم بسربيتة نظيفة (أو أي غطاء يستعمل للخبز يكون نظيف) و خليهم يخمرو في الصينية لمدة ربع ساعة
- 11
الفرن راه مسخن من قبل ندخلو الصينية تاعنا و نقص شوية للفرن (درجة الحرارة تقريبا 200 درجة) و كل وحدة على حساب الفرن تاعها 😶 نشعله من فوق فقط.
- 12
كي نشوف الخبز تاعي بدا يحمر من الأسفل نطفي عليه و نشعل من فوق (حذار تفتحي عليه قبل مرور 30 دقيقة و إلا راح يهبط ليك)
- 13
ملاحظة: تقدري تضيفي مع المقادير زيتون مقطع أو جبن مقطع مربعات رح يعطي لذة و نظرة جميلة كذلك 😊
- 14
بالصحة و الهناء 💖
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات