نضع نصف كمية السكر بالحليب الدافئ(لا مغلي ولا بارد) ونضع بداخل الحليب كمية الخميرة كلها ونحركها ونتركها لمدة 3 دقائق حتى تجهز وتتخمر.
بعد3 دقائق نضع المكونات بالعجانة او بوعاء عميق
نضيف اولا الخميرة التي حضرناها سابقا ونضيف الزيت واللبن وبياض البيض وكمية السكر الباقية والمحلب

نخفق المكونات مع بعضها ونتركها لمدة ثلاث دقائق ايضا لتتخمر الخميرة بشكل جيد
ثم نضيف البايكينج بودر فوق كمية الطحين ومننخل الطحين فوق المكونات التي خلطناها ونضيف ايضا الملح والخل
ونعجن العجينة سواء بالعجانة او باليد.
وقت بتصير العجينة جاهزة مندهن وعاء بالقليل من الزيت النباتي مشان ما تعلق العجينة ومنحط فيها العجينة
ومنغطيها بشكل محكم ومنتركها من نص ساعة لساعة حتى تتخمر العجينة وتنفش.
هون العجينة صارت جاهزة

مشان الحشوة
وقت بدنا نستخدم العجينة لا ترجعوا اطالعوها كلها من الوعاء مشان ما تروحوا الهوا اللي جواتها
اقطعوا الكمية اللي بدكم ياعا واستخدموها.
مشان الحشوة بتقدروا تحشوعا بجوز هند ومنحط معه قطر مشان يجمع على بعض ويمد معنا
او منستخدم عجوة (تمر)مشان الحشوة.
مناخد قطعة من العجينة ومنعمل بنصها حفرة ومنضيف فيها جوز الهند او العجوة
ومنلملم العجينة لحتى نسكرها بعدين منحط بصحن سمسم ومنحط فوقها العجينة ومنمد العجينة

بعدين منحط عالبلاطة شوية طحين ومنحط العجينة ومنبلش نمدها بالشوبك او بالايدين لبين ما تصير بسماكة سنتي او سنتي ونص.
ومنكون محضرين صينية فيها ورق زبدة او داهنينها زبدة او سمنة
ومنحط قرص العجينة فيها
ومندهن وجهها بصفار البيض اللي بقيان عنا ومنضيف مع صفار البيض ملعقة حليب وملعقة صغيرة خل مشان الزنخة.
طبعاً منعمل عدد الاقراص اللي بدنا ياه ومنحطهم بالصينية
ومنترك مسافة بيناتهم لان رح تنفش.
منكون محضرين الفرن عدرجة حرارة 200 او 220
ومنحط الصينية فيها لمدة 20 دقيقة تقريبا.
وصحتين وهنا 😃