حضرت العجينة درت البيض و زدت الحليب و لميت بالفرينة مع شوية ملح وقرصتها على ثلاثة خليتها ترتاح

قطعت البصل و قليتوا في شوية زيت و زدتلوا اسكالوب مقطع مكعبات و خليتوا يطيب شوية ثم زدت السلق و التوابل و خليتوا حتى يطيب و زدتلوا جبن ابيض و مبشور

كي رتاحت العجينة درت خليط الزيت و مارغرين ذائبة في طاولة العمل ندير الزيت كي لمعارك و نفتحها العجينة كبيرة نخدمها كي لمسمن و ندهنها من الفوق بالزيت و مارغرين و ندير الحشو كما في الصورة و نروليها و نديرها في سنيوا مدهونة بالزيت و نعاود العملية كما في الأول و نلصقها حتي نكمل العجين

ملاحظة: العجينة الاولى ناخد الجانب المفتوح و ندخل فيه العجينة التانية و نلف بنفس الطريقة حتى نعمر كامل السنيوا

شهية طيبة