الصلصة ندبلو شوية بصل مع الفطر في مقلة تكون سخونة فيها زبدة.... كي يطيبو شوية نحطو عليهم فلفل ككل و شوية ملح و علبة تاع كرام فراش و نحركو مليح بعدها نزيدو اي نوع فرماج عندك روج او ڨريار لزيادة الذوق

اذا جات لاصوص خاثرة ضفيلها شوية حليب او ياؤورت طبيعي و حركي.... تسكب في الاخير عل الطبق

قطع اللحم لازك نسخنو المقلة مليح بسوية زبدة و شوية زيت باش ماتتحرقش الزبدة

نحطو اللحم عل الوجه الاول كي يتحمر نقلبوه عل الوجه التاني و نقومو بتمليح الوجه الاول لانو الملح قبل الشوي يخلي لحم يطلق الما تاعو و يجي ناشف

التزيين اختياري حسب الذوق

وصفة الكوردون بلو متوفرة في الوصفات السابقة

اي سؤال مرحبا بكم حبيباتي