للعجينة: في اناء نحط المرغرين والسكر والبيض والنشاء والخمار ونلم بالفرينة ونخليها ترتاح فالثلاجة

بعد ما ترتاح نديرها في ليمول تاع التارتولات ونديرها فالمجمد ونطيبهم

للكريمة: في كسرونة نحط الحليب والسكر ونحطهم فوق النار ونخليه يسخن وفي اناء آخر نحط النشاء والبيض ونخلطهم مليح بالفوي ونضيف عليهم خليط الحليب والسكر لي درناه يسخن ونحط الكل فوق النار ونخليهم حتى يعقدو

بعد ما تعقد نضيف عليها م ص زبدة ونخلي الكريمة حتى تبرد

في اناء نحط كاس شونتيي وكاس حليب بارد مليح ونطلعها بالباتور ونضيفها لخليط الكريمة باتيسيير لي حضرناها من قبل

نعمر لي تارتولات تاعي ونزينهم بالفواكه المتنوعة