نجيب ڨصعة ندير فيها فرينة لازم تكون مغربلة نزيدلها ملح و خميرة حلويات و سكر فانيلا نمزجهم من بعد نزيدلهم بيض وندخلو مليح فلفرينة

من بعد نزيد خل ونخلط ومن بعد نزيد زبدة ذايبة ونبسس فرينة مليح مليح ومن بعد نبدا نلم فيها بلماء وماء زهر حتى نتحصل على عجينة متماسكة وطرية

نلفها في كيس بلاستيك ونخليها فلفريجيدار تريح ساعتين

من بعد ماريحت نقسمها الى كريات ونبدا نحل بلوحدة ونديرلها نشاء و نطبق ونحلها مرة اخرى وهكدا نكرر هاد عملية في كل كرية 3 مرات

من بعد نبدا نحل بلو حدة ونحلها رقيقة ونطبع دوائر انا هنا راح نعمل شكلين مختلفين شكل وردة وشكل ضفيرة او سنبلة

نجيب دائرة لأولى نديرلها فلوسط بياض بيض ونحط دائرة ثانية ونديرلها بياض بيض ونزيد ثالثة وهنا فثالثة مانديرش بياض بيض ونطبق لعجينة على ثنين كما موضح فصورة

ونشكلها بهاد شكل و ندخل كيردون لول ونفس جيهة ليخرج منها كيردون لول ندخل فيها كيردون زاوج كيما توضح صورة

شكل شاني نقطعوها بجرارة كيما فصورة وكل شريط نحل فيه 9 حلات ومن بعد نطويها على ثنين ونزيد نطويها مرة اخرى على ثنين و جزء علوي نقلبو كيما موضح ونتحصلو على شكل سنبلة او ضفيرة

في مقلة ندير كمية مليحة من زيت على نار هادية كي يسخن زيت نحط ڨريوش كيما موضح فصورة ونقليه حتى نتحصلو على لون لي تحبوه

وشكل ثاني نقلوه كيما هاك ونرمو عليه زيت من فوق باش يتنفخ

من بعد نعسلوها ونزينوها بجلجلان