اول حاجة كباية زبدة تكون بدرجة حرارة المكان و تحطيلها كباية من السكر البودرة و تخلطيهم مع بعض بالمضرب الكهرباء حوالي ٣ دقائق كده بعدها تحطيلها بيضين ومعلقه فانيلا ونكمل ضرب فيهم

في بوله تانيه هنخلط كوبين دقيق و عليهم رشة ملح و ملعقة كبيرة اوي من الكاكاو الخام وكل ما نوعيه الكاكاو نظيفة هتبقى نتيجتها اجمل و ملعقة صغيرة من بيكنج بودر و نقلبهم و بعدين نضيفهم لخليط الزبدة والبيض و نفضل نقلب بالمعلقة لحد ما يتجانسو اوي و ممكن نضيف الشوكولاته القطع ونقلب مع العجين لكن لو حابه الشوكولاته تكون ظاهره يبقى هتعملى كور في الصينيه وبعد ما تشكيلها تحطى الشوكولاته زي ما تحبى

التسوية بقى مهمه اوي هتحطى على درجة حرارة متوسطة لمده ربع ساعة واول ما ترجى الصينية تلاقى الكوكيز بيتحرك من مكانه يبقى كده تمام حتى لو طرى من فوق هو بيشد في الهوا برا متسبيهوش ينشف اوي جوا الفرن عشان هيطلع يبقى حطب برا فلازم تاخدى بالك اهم حاجة ياخذ لون ونشفان من تحت ويتحرك في الصينية ميبقاش لازق هنشيله من الفرن بقى

وبالف هنا