اولا ندهن السنيوة بالزبدة تكون ذائبة ثم نضع الورقة الاولى ثم نزيد ندهنها مل الفوق ونزيد نضع ورقة ثانية ونزيد ندهنها مل الفوق و نزيد نكرر العملية حتى نتحصل على 10طبقات و الاخيرة ما ندهنهاش ثم نضع فوقها الحشو ديالي ونزيد نحط فوقه ورقة و ندهنها مل الفوق

ونزيد نكرر العملية حتى نتحصل على 10 اوراق وحدوخرين وندهنها مل الفوق ثم نقطعها اختياري انا قطعتها مربعات متوسطة الحجم و دخلتها للفرن على 160° كي حمرتلي مل تحت شعلت عليها من الفوق خليتها تحمرتلي مليح ثم غير خرجتها ارميت عليها العسل ثقيل وبارد.

الحشو: نحمص اللوز او كاوكاو او مكسرات الجود بالموجود اللي كان عندك ديريه او اللي قدرتي تشريه كل واحد ومقدورو المهم حمصتو و رحيتو خشين او كاين حبيبات تقسمو برك ماترحاوش معليش يجي هايل و ضفتلو السكر ورشات من ماء الزهر مايكونش الحشو يتعجن لازم يكون مشمخ و مفتت.

ملاحظات:الحشو يتبلل برشات فقط من ماء الزهر. و لازم البقلاوة تكون سخونة او العسل بارد تماما و العسل يكون ثقيل.و كي تتعسل لازم تقعد اكثر من 5ساعات باش نحيوها من السنيوة باش نديروها في كيسات الخاصين بيها و نزينوها باي شيء مل فوق و صحا عيدكم 😍