لتحضير العجينة يوضع كوب الحليب الدافئ مع السكر و الخميرة في وعاء حتى تنشط الخميرة

تذوب الزبدة حتى تصبح سائلة في المايكرويف و توضع فوقها رشة الملح

ننخل الدقيق و نضعه في العجان الالي او باستخدام اليد و نضع فوقه الزبدة و الخميرة مع الحليب

تعجن العجينة حتى تصبح ناعمة ما تقلقو اذا كانت طرية كتير و بتلزق لانو هي هيك العجينة و بس تسير ناعمة تغطى لتختمر لمدة ساعة الى ساعتين و الافضل ساعتين هي ما رح كتير يتضاعف حجمها يعني ما تقلقو اذا ما حسيتوها كبرت

في الوقت يلي العجينة بتتخمر فيه بنحضر الحشوة بنبشر البطاطا المسلوقة و بنبشر الجبنة الموزاريلا او بنجيبها مبشورة جاهزة مش مشكلة و بنحط الفلفل الاسود و الملح و البابريكا الحارةو بنعجنهم باليد و بنكورها تقريبا كل كورة بكون قطرها 4 سم

بعد ما تتخمر العجينة بنعجنها شوي باليد و بنقطعها كور كل كورة يكون قطرها 5 او 6 سم هيك بنعمل خمس كور و بنترك العجينة ترتاح 5 دقائق

بنفرد كل قطعة من العجينة و بنحط فيها كور الحشوة يلي عملناهم سابقا و بنكورهم حتى يسيرو متل الكرة و بعدين شوي شوي و على الهادي البطيء بنفرد العجينة و هي جواها الحشوة حتى تسير مبسطة و هيك بسير قطر كل فطيرة تقريبا من 8 ل 10 سم

سوري هدول الصور من النت لانو من كتر ما كان شكلها بشهي اكلناها و نسيت اصور 😅😅😅بس طلعت معي نفس الشكل بالزبط