نضع في الروبو تع الجو السميد والماء والملح وتخليه يتخلط مدة ربع ساعة بعد ما يتخلط مليح نحط الخليط في سحفة و نلم بالفرينة ندلكها شوية وتخليها ترتاح بعد ربع ساعة نزيد ندلكها شوية نزيد تخليها ترتاح بعد ماترتاح نعملها بولات صغار ونديرهم في صينية مدهونة بالزيت وندهنهم بالزيت من الفوق

ونخليهم يرتاحو مدة ربع ساعة بعد ما يرتاحو نحل العجينة رقيقة ونطويها مربعات ونطيبها على نار قليلة حتى تحمر من الجهتين،بالصحة والهناء😊