સૌપ્રથમ પાસ્તા તૈયાર કરો. અહીંયા પહેલા પાસ્તાને બાફી લીધા છે. પાસ્તા બાફવા માટે એક વાસણમાં પાણી મૂકી પાણી ગરમ થાય એટલે તેમાં મીઠું અને તેલ નાખી પાસ્તા બાફવા મુકો.

બફાઈ જાય એક ચારણીમાં કાઢી લો. ત્યારબાદ તેના પર ઠંડુ પાણી રેડી લો. ઠંડુ પાણી પાસ્તા પર ઉમેરશો એટલે પાસ્તા એકદમ છૂટા પડી જશે.

ત્યારબાદ ઉપર ઘટકોમાં બતાવ્યા પ્રમાણે બધી સામગ્રી તૈયાર કરી લો. ત્યારબાદ થોડું તેલ મૂકો થોડીક હિંગ ઉમેરો પછી તેમાં સમારેલા ડુંગળી, વટાણા અને મરચાં ઉમેરો.

ડુંગળી,વટાણા અને મરચા સતદાય જાય ત્યારબાદ તેમાં માયો ઉમેરો. પછી તેમાં એક ગ્લાસ જેટલું પાણી ઉમેરો.

ત્યારબાદ તેમાં ઓરેગાનો અને ચીલી ફ્લેક્સ ઉમેરો. એકદમ ઉકડી જાય પછી તેમાં પાસ્તા ઉમેરી દો પછી તેમાં ચીઝ ઉમેરો. એકદમ ઘટ્ટ થઇ જાય એટલે ચીઝ માયોનીઝ પાસ્તા તૈયાર છે. જો તમને ઘાટું લેયર પસંદ ન હોય તો તેમાં થોડું પાણી ઉમેરી આછી ગ્રેવી પણ કરી શકો છો.