સૌપ્રથમ મગની ફોતરાવાળી દાળ બે થી ત્રણ વાર ચોખ્ખા પાણીમાં ધોઈ લો ત્યારબાદ તેને ૩ થી ૪ કલાક માટે પલાળી રાખો ત્યારબાદ મગની દાળ અને વટાણા તૈયાર કરો.

ત્યારબાદ તેને મિક્સરમાં અધકચરો પીસી લો. અધકચરું પીસવા થી પેનકેક ક્રિસ્પી બને છે. ત્યારબાદ ઘટકોમાં દર્શાવ્યા પ્રમાણે બધી સામગ્રી તૈયાર કરી લો.

ત્યારબાદ બધી સામગ્રી મગની દાળ અને વટાણા નું ખીરું તૈયાર કર્યું છે તેની અંદર ઉમેરી દો. ત્યારબાદ લોઢી ગરમ કરવા મૂકો.

લોઢી ગરમ થઇ જાય એટલે તેના પર એક ચમચી જેટલું તેલ નાખી તેને ફરતી લોઢી માં ચમચી વડે સ્પ્રેડ કરી દો ત્યારબાદ જે બેટર તૈયાર કર્યું છે તેને ચમચાની મદદથી આ લોઢી ઉપર પાથરો. બંને બાજુ શેકાઈ જાય એટલે આપણું પેનકેક તૈયાર થઈ જશે. સ્વાદ માં ખૂબ ટેસ્ટી લાગે છે અને ક્રિસ્પી લાગે છે. ત્યારબાદ સર્વિંગ પ્લેટમાં ટમેટો સોસ સાથે સર્વ કરો. તૈયાર છે આપણા મગની દાળના પેનકેક.