نخلطو مكونات مع بعض ولازم نضمن انو زبدة وحليب وزيت يتجانسو تماما نضيف قرصة الملح وفانيليا ونضيف الفرينة حتى نتحصل على عجينة طرية

العقدة كاوكاو (فول سوداني) يكون مرحي خشين شوي ونضيفلو كيلة السكر ومغرف زبدة ونمحرهم مليح ونبدأ نضيف فالما الزهر حتى تعطيني عجينة مش جارية بزاف

من بعد نشكل العجينة على شكل كرات وحتى العقدة نشكلها كرات بحجم اقل. نفتح كرة العجين ونحط فيها كرة الكاوكاو ونغلقها ونحطها في مولات هاذو ونزينها بالنقاش ونحط فوقها حبو لوز او كوكاو

بالنسبة لشكل المثلث نفتح العجين على شكل دائرة ونحاول نحط فوقها الكوكاو على شكل مثلث ونغلقها من فوق مليح ونتبعها بالنقاش كيما شكل فالصورة ونزينها بحبات لوز او كوكاو

بعدما ندخلها لفرن مسخن مسبقا نخليهم يطيبو ونعسلهم كي يخرجو