محشي ورق عنب وكوسه وفلفل ولا اطعم من كده 🍆🌶👍🏻
إفتح في تطبيق كوكبادالخطوات
- 1
٣ ملاعق السمنه نضعهم في حله ونضع فيهم البصل لحد ما لونه يصفر بعد كده اضع عصير الطماطم وبرطمان الصلصه الصغير عشان التسبيكه يبقي لونها احمر ولما تتسبك انزل بالخضره المغسوله ومتصفيه تماما وانزل بالفلفل الاسود والملح والكمون والكزبره الناشفه والشطه واقلب
- 2
اغسل الرز واصفيه واحطه في طبق بلاستك وانزل فوقه التسبيكه واقلب واغسل الكوسه والفلفل واصفيهم واجهز ورق العنب اغسله من المحلول الي في البرطمان واصفيه
- 3
ابتدي احشي واحضر حله واضع في قلبها من تحت قلب الكوسه الي قورناها واسيبهم واحضر حله تانيه لورق العنب بس واقطع فيها طرنشات طماطم 🍅 وبصل واحشي
- 4
في كل حله افرم مكعب المرقه زاي البودره وانزل علي حلة الكوسه والفلفل بالمرقه اسيب جزء من الكوسه بمقدار صابع ونص ناقص مرقه عشان الكوسه هتنزل مايتها وهي بتستوي اول ما يشرب المايه اهدي النار واسيبها قد ربع ساعه واغرز فيها الشوكه الاقيه استوي اطفي لو حابه تحطي معلقة سمنه بلدي علي الوش اختياري للي يحب
- 5
حلة ورق العنب احط مكعب المرقه الدجاج علي الوش وبعدين عصير الليمون وبعدين انزل بالشوربه يادوب تغطي وش ورق الغنب واغطي ورق العنب بطبق مسطح وبعدين غطا الحله لما احطه علي نار عاديه اول مايتشرب اوطي واسيبه ربع ساعه واطفي وبردو معلقة سمنه بلدي اختياري للي يحب وبعدين يقدم بالف هنا
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات