فطير شرقي ، وجه بيتزا
إفتح في تطبيق كوكبادالخطوات
- 1
نضيف الملح والسكر للدقيق ونقلب ونضيف المياه بالتدريج مع العجن ونفضل نعجن حوالي ١٠ دقائق
- 2
نقسم العجين كرات متساوية ، المقدار ده انا قسمته على ٦ ونحط الكرات في صينية مدهونة زيت وندهنهم كمان زيت ونغطيهم ويرتاحوا ساعة
- 3
ندهن الرخامة زيت كويس جداً ونبدأ نفرد كرات العجين ومش محتاجة نشابة ممكن بإيديكي بس ادهنيها زيت كويس واضغطي على العجين لبره بإيدك مفروده العجين هيفرد معاكي
- 4
حطي الحشوة سواء بسطرمة او سوسيس مسلوق ومتقطع او سجق برده مستوي وحطي فلفل رومي وزيتون ومكس جبن وطبقي العجين وسيبي الفطيرة على طبق مدهون زيت لحد ما تخلصي المقدار كله
- 5
ابدأي بتسوية الفطير اللي جهز في الاول علشان يكون ارتاح ، هتبططيه شويه صغيرين بإيديكي وتحطيه على صينية مدهونة زيت ومن فوق ممكن تحطي نفس الحشوة تاني سوسيس او بسطرمة او سجق مع الزيتون والفلفل والجبن ويدخل فرن عالي جدااا يعني ٢٥٠ درجة من ١٠ دقائق ل ربع ساعة وبعدين ولعي الشواية ٣ دقائق
- 6
خرجي الفطير وكرري العملية مع الباقي ودوقيهم احلى فطير في البيت ، بالهنا والشفا
الكوكسناب
Keywords
وصفات مشابهة
وصفات ننصحك بمشاهدتها
التعليقات