للعجينة نحط في إناء البيض و السكر و قرصة الملح و فانيليا و نخلط مليح بالباتور مدة 4 دقائق حتى يبياض الخليط.و على جنب في مقلاة نذوب 6 ملعقة كبيرة زبدة و نضيف عليهم العسل و نخلط على نار هادئة جداً ثم نضيف ملعقة صغيرة بيكاربونات و نخلط راح نلاحظ رغوة نتركها دقيقة فقط و ننزع.ثم نضيفها على الخليط الاول لي طلعناه و نواصل الخلط ثم نضيف الفرينة تدريجيا حتى نتحصل على عجينة متماسكة طرية و لا تلتصق باليدين نغطيها بكيس غذائي و نخليها ترتاح في الثلاجة 10 دقائق.

نقسمها 4 كرات و نحلها الواحدة تلو الأخرى بالحلال فوق ورق الطبخ لي كنت عملتو على قياس السنيوة لي رايحة نطيب فيها.لازم تكون رقيقة جدااا نسوي و نقص الحواف بالسكين ثم نثقبها بالشوكة من كل الجهات نسحب ورق الطبخ بسهولة في السنيوة ندخلها للفرن على نار متوسطة مشعول من فوق و تحت مدة 8د او اقل على حسب الفرن لأنها رقيقة ماتديش الوقت بزااف.نكمل الطبقات الاخرى بنفس الطريقة.

نحضر كريم باتيسار بعد ماتكون بردت و تماسكت نخفقها بالباتور ثم نضيفلها كريمة الشانتيه(لي كنت طلعتها بالباتور مدة حوالي 7د)نخفقهم مليح حتى يتجانسو و نطلي بيها كوش رقيقة بين طبقات الميلفاي و فوق الطبقة الرابعة والأخيرة مانعملش نتركها لطلية الفوندو.