بواسطة خلاط كهربائي نخفق البيض والسكر والفانيلا جيدا ثم نضيف الزيت تدريجيا مع الخفق ثم الحليب ثم الفرينة والخميرة والكاكاو ، في مول به ورق زبدة مدهون بالزبدة ومرشوش بالفرينة نفرغ الخليط وندخله في فرن مسخن مسبقا على ١٨٠ درجة

ملاحظة هذه الكمية تجي في مول صغير وتقطعيه إلى طبقات أو تعمليه في مول مستطيل وتقطعيه كيما عملت انا وقطعته إلى ٣ مستطيلات

نحط مكونات السيرو فوق النار ونحسب ١٠ دقائق ونطفي ونخليه يبرد

بالنسبة للكريمة: بواسطة باتور او بيترا نخلط الزبدة جيدا مع اضافة ملعقة سكر وتخلط ثم ملعقة زيت وتخلط ثم ملعقة حليب ونخلط وهكذا حتى نكمل كامل الكمية وفي الاخير نضيف الشوكولا البودرة رايحين نتحصلو على كريمة بزاف خفيفة و بنينة

نبدا عملية المونتاج نحط الطبقة الأولى ونشربها مليح بالسيرو ثم نضع طبقة مليحة من الكريمة وهكذا حتى نكمل كل الطبقات نغلف كامل الطرطة بالكريمة ونزينها حسب الرغبة