في قدر نضع ملعقة زبدة شوية ملح عودين من القرفة بصلة مرشوق فيها القرنفل زعفران الشعرة و الملح نقليو هذيك البصلة حتي تطلق الماء تاعها بعدها نمرقو بالماء الساخن

بعدها نغسلو الفواكه الجافة تاعنا

بعد ما تغلي القدرة تاعنا نلوحو الزبيب و المشمش فقط لانهم يديو وقت باه اطيبو اكثر من البرقوق

كي نشوفوهم بداو يطيبو نلوحو السكر و نخليوهم يكملو طياب

بعد ماتشوفي انو المرق بدا يعقد نلوحو البرقوق تاعنا نخليوه يطيب و نطفيو نزيدولها عصير نصف حبة قارص و نقدموه و نزينوه باللوز و الخوخ المعلب او الاناناس و الكرز المصبر

و بالصحة و العافية نتمني تجربوه