સૌપ્રથમ એક કપમાં થોડું પાણી લો પછી તેમાં ખાંડ,મીઠું અને ડ્રાય યીસ્ટ ઉમેરો પછી તેને ઢાંકીને દસ મિનિટ માટે રહેવા દો. હવે આ એક્ટિવેટેડ યીસ્ટ ને લોટમાં ઉમેરો. અને તેમાં ચોપૅ કરેલું લસણ,ઓરેગાનો,ચીલી ફ્લેક્સ નાખીને મિક્સ કરો.

ત્યારબાદ થોડા હુંફાળા દુધ ની મદદથી લોટ બાંધો અને તેને ૧૦ થી ૧૨ મિનિટ બરાબર હાથની મદદથી મસળો.

પછી ઓલિવ ઓઈલ નાખીને તેને ફર્મેટ કરવા માટે બે કલાક માટે ઢાંકીને મૂકી દો.લોટ ફૂલીને ડબલ થઇ જાય પછી તેને હાથની મદદથી પંચિંગ કરો અને 6-7 મિનિટ હાથની મદદથી પંચિંગ કરતા રહો. હવે આ લોટ ના બે સરખા ભાગ કરો.

એક ભાગ લઈને તેનો મોટો રોટલો વણીને તેમાં લસણ વાળું બટર લગાવો. પછી ચીઝ ભભરાવો તેના પર ઓરેગાનો અને ચીલી ફ્લેક્સ નાખો પછી એક બાજુથી સાઈડ વાળી લો અને હાથની મદદથી પ્રેશ કરી લો. ફરીથી તેના પર લસણ વાળું બટર લગાવો અને તેના પર ઓરેગાનો અને ચીલી ફ્લેક્સ નાખો અને પ્રીહિટેડ માઈક્રોવેવમાં convection mode ઉપર 20 મિનિટ માટે 220 ડિગ્રી બેક કરો.

બ્રેડ બ્રાઉન થઈ જાય એટલે તેને માઇક્રોવેવ માંથી કાઢી લો તૈયાર છે ગાર્લિક બ્રેડ.