اولا نحط البيض وقرصة الملح والسكر والزيت والحليب مع بعض في الخلاط الكهربائي او تقدرو تستعملو الباتور نخلطهم جيدا حتى يبياض الخليط ويتجانسو المكونات مدة حوالي 5د ثم نفرغهم في اناء ونضيف الفرينة والكاكاو وخميرة الحلويات لي كنت غربلتهم اكيد ونكمل الخلط بالمضرب اليدوي فقط (الفوي) وفي الاخير نضيف ملعقة الخلو نخلط جيدا ونكون تحصلنا على خليط نوعا ما سائل.

في صينية مستطيلة 30سم/24سم مدهونة بالزيت ومغبرة بالفرينة نسكب فيها الخليط ونخبطها قليلا حتى يتساوى في كل الجوانب ونخرج منها الهواء وندخلها للفرن مسخن مسبقا على 180° تستوي من الاسفل ثم نشعل من الاعلى.

عندما تستوي نثقبها بعود او سكين نسقيها بكاس حليب لي ذوبت فيه م ص نيسكافي وم ص بودرة شوكولا تويسكو ونخليها تتشرب وتبرد في نفس الوقت من الاحسن نضعها في الثلاجة ونحضر صوص الشوكولا نحط في كاسرول الماء والسكر والكاكاو والفانيليا مغربلين نخلطهم جيدا ونحطهم على نار هادئة حتى يغلي نضيف عليهم مايزينة محلولة في القليل من الماء ونواصل الخلط حتى تعقد ونضيق ملعقة شوكولا الطلي ونخلط ونخليها تبرد.

نسكب الصوص شوكولا فوق الكيكة ونزينها بالكاوكاو شرائح محمص ونقطها بعد ماتكون بردت وتماسكت.