اولا حاجة نديروها هي شخشوخة الرقاق اذا ماكنش عندك في كونجيلاتور. في المنشور القادم ان شاء الله نعتلكم كيفاه نخدموها و تنجحو فيها

بعد ما نكملو طياب نفتوتها و نخلوها جانبا

ونحضرو المرق تاعنا في قدرة نحطو شوي زيت الدجاج اللحم والملح البصل والثوم وطماطم نقليوهم مليح على نار متوسطة حتى يدخل طياب لحم مبعد نمرقو بالماء الساخن ونقفلو لا كوكوت حتى يطيب (يستوي) اللحم نفتحو لا كوكوط ونحطو الخضر تاعنا والحمص الطايب والفلفل الحار ونخليوهم يكملو طياب تاعهم مليح ونخليو المرق تاعنا يخثار

في صحن التقديم نحطو الشخشوخة مبعد نسيقوها بالمرق و نعدلو الخضر تاعنا و اللحم فوقها كما هو مبين في صورة

بالصحة و العافية