ઢોકળાના લોટ માં છાશ ઉમેરી બરાબર મિક્સ કરી લો. લોટ મિક્સ થઈ જાય એટલે તેમાં હળદર અને સુકી મેથી ના ચાર થી પાંચ દાણા નાખી બરાબર મિક્સ કરી ને તેના પર ઢાંકણ ઢાંકી ને બે થી ત્રણ કલાક માટે મૂકી દો.

ત્રણ કલાક પછી જોઈશું તો લોટ માં અથો આવી ગયો હસે. તેને ચમચા થી બરાબર હલાવી ને તેમાં મીઠું, ધાણાજીરું લાલ મરચુ ઉમેરી બરાબર મિક્સ કરો.

હવે આપણે ઢોકળા બનાવવા એક થાળી માં તેલ ચોપડી ચમચા થી ખીરું લઈશું. બે થી ત્રણ ચમચા લેવા. જેથી ઢોકળા બહુ જાડા ના બને. ઢોકળા બનાવવા માટે સ્ટેન્ડ માં થાળી મૂકી દઈશું.૧૫ મિનિટ માટે.

૧૫ મિનિટ પૂરી થાય એટલે આપડે થાળી બહાર કાઢી ને તેના ચાકુ થી ટુકડા કરી ને વાઘરી લઈશું. વઘાર માટે એક વાસણ માં તેલ ગરમ કરી તેમાં રાઈ નાખો. રાઈ ફૂટે ત્યારે ચપટી હિંગ નાખી મીઠો લીમડો નાખી તૈયાર ઢોકળા માં વઘાર રેડી દો.

કાઢી બનાવવા માટે છાશ માં ચણાનો લોટ નાખી જેરણી થી જેરી લો. એક વાસણ માં તેલ ગરમ કરો. તેલ ગરમ થાય એટલે તેમાં રાઈ નાખો. રાઈ ફૂટે ત્યારે હિંગ નાખી છાશ વઘારો તેમાં મીઠું ઉમેરો સ્વાદ પ્રમાણે. એક ઉભરો અાવે એટલે ગેસ બંધ કરી દો. તૈયાર છે ખમણ ની કઢી.