من بعد الصلاه والسلام على الرسول نحضر جفنه ونحط فيها الفرينه ونملح شوي باه ماتجيش سامطه نذوب السمن ونخليه يبرد ونخلط فيه بيضه ونصب على الفرينه وبكفوف يدي نبسس حتى يتجانسو مع بعض هنا نضيف بالشوي كيله الماء وماء الزهر لازم يكوون الماء اكثر من ماء الزهر لانو ماء الزهر يبس العجينه انا استعملت فنجان صغير ماء الزهر والباقي ماء عادي من الحنفيه انا ديما تكمل الكيله جامي ماكملتهاش ولكن انتم بالشوي حسب نوعيه الفرينه ادا تشرب او لاا ونعجنها شوي انا فاالحقيقه حطيت كلش فالعجانه انتي ماعندكش اعجنيها شوي

حتى تولي رطبه(العجين مايكونش طري ومايكونش يابس بزاف يجي متماسك)،هنا نلوز على شكل كريات صغار انتي وواش حبيتي عدد الطبقات انا المره هادي درت 9كريات تقدري ديري اكثر حسب رغبتك تغطي عليهم بكيس غذائي وتخليهم يرتاااحو مليح كل مارتاح العجين ودا وقت نتحصلو على نتيجه جيده على الاقل ساعتين ،من بعد نحكم كريه ونفتحها بشوي نشاء ونحطها بجيهه ونزيد نفتح كريه اخرى ونحطها فوق الاخرى ومابناتهم نشاء حوالي مك وهك نكمل مع خمس كريات ونحطهم بجيهه ونزيد مع اربع الكريات الاخرى بنفس الطريقه ،نحكم هادوك الكريات الاولى

ونفتحهم مع بعض يعني وهوما فوق بعضاهم نحلهم مليييح على شكل طبقه واحده ونزيد بنفس الطريقه مع الطبقه الثانيه ،هنا نجيب صينيه الفرن وندهنها مليح بالزبده ونبدا نفتح هادوك الطبقات بالوحده بااشوي فقط راح يتفتحة من بعضاهم لانو درنالهم النشاء مابيناتهم ونعاون روحي بالحلال ونهز ورقه ونحطها على الصينيه مانشبحش العجين على الصينيه نخليلو شوي مجال على خاطر مبعد يتجبد وندهنها بالبانسو مليح ونثقبها كامل بعود كيردون باه ماتتنفخش ونزيد بنفس الطريقه نحط واحده اخرى حتى نكملهم كامل وديما ندهن ونثقب ماعدا الاخيره

ماندهنهاش ونحط الحشو (الحشو نخلط المكسرات مع السكر ونضيف بالشوي ماء الزهرنفتلو فقط مانبلوش يجي مثل الكسكس وكي تحمصو المكسرات ماطولوش باه تقعد النكهه والسمن راح يطري الحشو) ونمشيه مليح على كامل الاتجاهات ونزيد نحط ورقات الطبقه الثانيه بنفس الطريقه كي نكمل نقص مقروضات صغار ونرشق فكل حبه مكسرات وندهن الوجه مليح ونخلي الصينيه تاعي ترتاح قبل مانطيبها، كي ترتاح مليح نشعل الفرن على اقصى حراره وكي يسخن مليح نقص فالنار متوسطه نضع الصينيه تاعي على الرف الاول العالي ونخليها طيب في عقلها تاخد حوالى ساعه

الا ربع الى ساعه كي طيب من تحت نلاحظو بلي الحواف تجبدو وحمارو هنا نطفي من تحت ونشعل الفوق ونرد الصينيه في الرف الاخير ونعس لااازم مامغلش لانو من الفوق ماتاخدش وقت كي طيب وتحمار مليح نطفي عليها ونسقيها بعسل عادي بدون اي اضافات ونردها للفرن ونخليها تتشرب ليله كامله قبل التقطيع وتقدم بااالف صحه وعافيه

الي تحب دير في صينيه اكبر تشوف البقلاوه الي درتها فالعيد الصغير