أولا نروح نحط الفرينة و الملح و الفانيلا و الزبدة ذائبة وباردة (بدرجة حرارة الغرفة) ونبسس مليح بعدها نبدا نلم بماء وماء زهر الكمية حسب نوعية الفرينة لازم العجينة تكون شادة روحها وفي نفس الوقت طرية نقسمها الى عشر كويرات و كل وحدة والصينية تاعها نكورهم و نحطهم فالثلاجة يريحوا على الأقل ساعتين واذا كان عندك الوقت اخدميها صباح وحليها عشية

بعدها نروح نوجد الحشو نحط الكاوكاو تاعي نضيفلوا القرفة رشة خفيفة والسكر نخلط كلشي وبعدها نضيف الماء الزهر ما تعجنوش لازم يقعد مفتت

و نروح نكمل نفس الطبقات المتبقية لما نوصلوا الطبقة الاخيرة ندخلوها الثلاجة تريح 30 دقيقة باش كي نقطعوها ما تخسرش و ما تغبنش بعدها نخرجوها من الثلاجة و نقطعوها و ندهنوها بالسمن اللي بقالنا

ثم ندخلوها نرتاح حوالي ساعتين و اذا خدمتوها فالليل خلوها تبات ليلة كاملة و صباح طيبوها نسيت كي تجوا تحطوا حبات الكاوكاو ديرولهم ثقب بالسكين ما تثقبوش بالحبة تع كاوكاو بعدها ندخلوها فرن متوسط الحرارة ما يكونش سخون فالوسط تنضج مدة ساعة تقريبا و مرة على مرة دوروا الصينية تاعكم باش تحمار كامل كيف كيف بعدما نشوفوها طابت من الأسفل نهودوها كامل تحت ونشعلوا عليها من الفوق

بعدها نسقيها بالعسل انا داتلي حوالي 800 غ من العسل

ملاحظة : المقادير على حساب الصينية و كذلك كي تشوفوا العجينة دارت فقاعات حكموا حاجة ثقبوا بيها هادوك الفقاعات باش الحبة ما تخسرش فالطياب ثقب صغيييير فقط شهية طيبة⁦❤️⁩ و عيدكم احلى و سعيد ان شاء الله 😍