نجيب وعاء وندير البيض ورشة تع الملح وفانيليا والسكر ونضربهم بالباتوغ من الاحسن استعمال الباتوغ ولي معندهاش تقدر تخلط بالفوي لكن لازم يذوب قاع هذاك السكر ونضيف الكاس تع زيت ونزيد 2 مغارف تع الحليب ونزيد 4مغارف تع المايزينة نغربلوهم مليح نخلطو المكونات جيدا ثم نضيف كمية من الفرينة ونديرلها 2 اكياس تع خميره كيميائيه ونلم بالعقل ونزيد الفرينة حتى تتلم لازم تكون العجينة طرية كيما العجينة تع الصابلي انا خليتها تلصق شوية يكونو خاصينها وحد 3مغارف فرينة

ونقسمها على 2 بهاذ الشكل ونصف نديرلو 2 مغارف تع كاكاو ضروري تغربلي الكاكاو ونصف نخليه ذوق الفانيليا ونلم العجينة تاعي نحاول ندخل الكاكاو فالعجينة حتى نتحصل على هاذ الشكل ونغطيها بكيس بلاستيكي ضروري باش متنشفش وماتيبسش ملاحظة(ضروري تخلي العجينة طرية فوق لازم باش مجيش الحلوة يابسة) ونجيب النصف لي خليناه ذوق الفانيليا ونديرلها2 مغارف كبار تع فرينة ونلمها بهاذ الشكل باش يولي الملمس تعها طري وإلا كانت يابسة زيدولها 2مغارف كبار حليب باش تولي طرية

ملاحظة ( ضروري يكونو نفس القياس متخلوش العجينة خارجة واذاكانت خارجة نسيي ندخلها بيدي مع العجينة الاخرى ونزيد نحلها غير شوية ونبدأ باللفة الاولى بهاذ الشكل من الاسفل الى الاعلى ونحاول نحلها لعندي ومنحلهاش بطول باش نتحصل يا إيما نتحصل على دائرة كبيرة إيما مستطيل كبير ونحلها غير شوية ثاني حتى نتحصلو على هاذ الشكل وندير اللفة الثانية من اليمين الى اليسار بهاذ الشكل ونحلها باش نتحصل على مستطيل كبير او دائرة كبيرة وندير اللفة الثالثة من الاعلى الى الاسفل ونحلها بنفس الشكل منحلهاش بطول نحلها لعندي

منخليها لا تريح لا والو ديراكت نخدمها ملاحظة للتزيين (انا كانت عندي شيكولا ذوبتها ودرتها من الفوق وزينتها بشوية كاوكاو مرحي وتقدرو تدهنوها بالمربى من الفوق وترشوها بشوية تع الكاوكاو مرحي)والتزيين يبقى اختياري

والف صحا وهنا على الجميع 😉😘😋👍