بالنسبة للقاعدة 125غ زبدة 2م ك سكر ناعم 2م ك زيت بيضة شوية
افاني م ص خميرة الحلوى ونلم بالفرينة حتى الحصول
على عجينة طرية يسهل استعمالها نديرها في لمول
الخاصة بلتارتولات نثقبها بالفرشيطة ونحطهم
يطيبوا

المرحلة الثانية نذوب الشوكولا البيضاء فوق حمام مائي بدون اي اضافات ونذهن مول السيليكون المرة الأولى ونحطها في الثلاجة ونزيد نذهنه للمرة الثانية ونحطه يبرد الحشو بطبيعة الحال اختياري انا استعملت شوكولا سوداء مذوبة نيستلي كراميل وكاوكاو محمص ومرحي رقيق وبسكوي مع حلوة الترك وشوية كاوكاو محمص ومرحي رقيق

ناخذ حبة الحلوى نحط شوية شوكولا سوداء نزيد خليط البسكوي مع حلوة الترك وشوية كاوكاو نلمهم بالنستلي ونغلق بالشوكولا لي درت في مول السيليكون بعد مانكون عمرتهم بخليط النستلي والكاوكاو الخليط ما يكونش يابس سائل نوعا ما نذهن الحواف بالمعجون وندير الكاوكاو نذهن الحبة بالناكري البرونز ونزين بحبة لوز