أولا كنصب الدجاج ديالنا انا قطعت الدجاجة ديالي وزدت عليها البصلة والتوابل كااااملة إلا العدس حيت عندي تيطيب دغيا وشحرت كوولشي ومرقت وسديت الطنجرة

وفي الجانب عجنت المسمن ديالي شوية دالفورص وشويا دلفينو دلكتو مزيان وخليتو رتاح شويا وبديت نطيب عاادي هو من الأحسن يكون التريد ولكن انا غير تشهيتها وقضيت الغرض 😂 مهم كملت طياب وعيني على الطنجرة في نفس الوقت حتى طابت حليت عليها وزت عليها العديسة وخليتها حتى طابت وقطعت المسمن ديالي وفرتتو فقصيعة وشربتو بالمريقة ديالي لي طابت فيها الدجاجة هادي رفيسة ديال الزربة وديال الدراوش ولكن صدقوني والله حتى جات بنينة 😋

وصافي ونقدموها بالصحة والراحة