ओलं खोबरं, गूळ आणि वेलची पूड मिक्स करुन एका पॅनमधे मंद गॅसवर ठेवून सतत ढवळत राहावे. आणि पॅनच्या कडेला खोबर्याचे मिश्रण सुकायला लागले की सारण तयार होते.

मळलेल्या पीठाच्या गोळ्याची वाटी सारख्या आकाराची पारी करुन त्यात खोबर्याचे सारण भरुन चुन्या पाडत मोदक सगळ्या बाजूंनी बंद करुन घ्यावा. तसेच मोदकाच्या साच्याला आतून तूप लावून, त्यात उकडीचा एक लहानसा गोळा भरुन बोटाने साच्यात पसरवत मग त्यात सारण भरुन साच्याच्या तळाला थोडं पीठ लावून मोदक बंद करुन नंतर अलगद साचा उघडावा. छान सुंदर आणि सुबक असे मोदक तयार होतात ‌

मोदकाच्या साच्यात तळाच्या भांड्यात पाणी घालून त्याला उकळी आल्यावर मोदकाच्या जाळीच्या भांड्याला आतून तूप लावून त्यावर बनवलेले मोदक पाण्यात जरासे भिजवून ठेवावे, आणि १५ मिनिटे मध्यम गॅसवर उकडून घ्यावे. पाण्यात भिजवल्यामुळे मोदक उडताना फाटत नाहीत.

मोदक उडताना आधी मोदकावर दुधात भिजवलेली केशर काडी लावावी, खूप सुंदर दिसते आणि वास पण छानच येतो. मग गरमागरम २१ मोदक इतर पदार्थांच्या बरोबर ठेवून नैवेद्य दाखवला.