بسم الله الرحمن الرحيم أولا نحضر المكونات بعدها نقطع الجزر والبيطراف ونحطهم يطيبو فالماء والملح ونقطع الزليقو ونحطو هو ثاني فالماء والملح يطيب بعدما يطيبو نقطعهم قطع صغيرة كما موضح في الصورة ونزيد الخيار ونرش عليهم لاصوص نتاع السلاطة ونحطهم فالثلاجة

بعدها في كاسرونة نفرغ زوج كيسان ماء وشة ملح وملعقة صغيرة زيت حتى يغلي الماء ونفرغ كأس الروز حتى ينشف مليح ويطيب نزيد نشللو مرتين بالماء باه مايتعجنش ونخليه يبرد بعدما يبرد نخلط معاه باطة طن زيت نحيلها الزيت والملعقة كبيرة مايوناز ونقطع الزيتون الاخضر دوائر نخلطهم مليح ونزيدلها لاصوص نتاع السلاطة نخلط مليح ونحطهم فالثلاجة حتى وقت التقديم