تورته فانيليا بكريمه الشكولاته
تورته فانيليا بكريمه الشكولاته
إفتح في تطبيق كوكبادالخطوات
- 1
هندهن الصينيه زيت ونحط عليها ورق الزبده للتثبيت
- 2
هنفصل الصفار عن البياض
- 3
هنحط على الصفار السكر البودر ونص الفانليا
- 4
هنضرب بياض البيض الاول وخدى بالك مينزلش ولا نقطه صفار فيه دلوقتى هنضربه كويس لحد ما يبقى فوم قواموا كريمى
- 5
هنضرب الصفار بالسكر كويس جداااا لحد ما يميل لونه للبيج الفاتح ونحط معليه الزيت ونستمر فى الضرب
- 6
هنحط نص خليط الصفار على البياض ونقلبه فى اتجاه واحد وبراحه عشان متفرغيش الهوا من البياض ونحط الجزء التانى بعد ممزاجه الجزء الاول
- 7
هننخل الدقيق بالبيكنج بودر مرتين والتالته مع البيض وننزله جزء جزء مع التقليب الخفيف لوقت اختفاء الدقيق تماماااا
- 8
هنحط الخليط فى الصينيه وتدخلها الفرن سخن على ١٦٠ درجه ومنفتحش عليها قبل تلت ساعه
- 9
هنجهز كريمه الشكولاته وصوص الشكولاته هنحط كوبايتين الكريم شانتيه مع كوب لبن ومعلقتين كاكاو ونضربهم كويس جداااا تكون الكريمه ماسكه اووى فى نفسها ونحطه فى التلاجه
- 10
اما الصوص هنحط سكر مع كوب لبن مع كوب زيت مع كوب الكاكاو ونضربهم كويس جداااا
- 11
نخرج الكيك استوى خلاص هنسيبه يبرد ياريت نحطه على شيئ مفرغ عشان يبرد بسرعه ونشيل منه ورق الزبده بعد عشر دقايق من طلوع الكيك من الفرن
- 12
الكيك برد هنلفه بالاسترتش الطعام ونسيبه فى التلاجه نص ساعه
- 13
بعد النص ساعه تنقطع الكيك من المنتصف نفصل بيه الكيك جزءين
- 14
هنحط الكريمه ونبدا نفردها بالسكينة وكل فرد بالسكينة نغسلها بميه سخنه عشان تساعدك على الفرد بطريقه جميله وسريعه
- 15
هنحط الجزء التانى من الكيك ونحط الكريمه من فوق فى كل اتجاه الكيك ونوزعه بالسكينة بنفس الطريقه
- 16
هنحمص جوز الهند والسودانى المطحون فى الفرن ونبدا نحطه على اطراف الكيك ونشيل الزيادات بمنديل
- 17
هنقسم الكيك بصوص الشكولاته هنحط فى نص الكيك والنص التانى فواكهه او ممكن تحطى الصوص على الكيك كله وبالهنا ووالشفا
- 18
لو عاوزين تورت اكبر تكفى ١٠ افراد او تورته بالشوكولاته كلها قوليلى فى الكومنتات 😍😍
Keywords
وصفات مشابهة
وصفات ننصحك بمشاهدتها
التعليقات