نجيب البطاطا لازم تكون بيضة ماشي حمرة ونقطعوها رقيقة منقطعوهاش خشينة إذا قطعناها خشينة مجيناش مقرمشة (تقدرو تقطعوها بالقشارة تع البطاطا أو هذيك الألة لي تقطع البطاطا) ونقطع الكمية تع البطاطا لي عندي ونجيب وعاء وندير فيه البطاطا هذيك نديرلها ماء بارد من ثلاجة ونزيد نديرلها الخل (اي نوع خل يكون متوفر في البيت) ونديرلها مكعبات ثلج لكي تبقى باردة ونخلوها ساعة فالماء هذاك ومنبعد نحيها ونشفها بلعقل باش ما تتكسرش ونشفها في (منديل ورقي أو طرشونة أو قطعة قماش) ونحطها بجيه

ونجيب مقلة وندير فيها الزيت لازم الزيت يكون يغطي البطاطا بأكملها ونرمي البطاطا بالتدريج ومنرميش كمية كبيرة خاطش ولكان نرمو كمية كبيرة زيت تبرد ولازم نتأكد أن زيت سخونة ولازم تكون نار متوسطة وليست ناقصة ومنديروش الملح حتى طيب ونخليهم يطيبو ونقلبهم بالملعقة باش متلصقش في بعضها حتى ياخذو اللون تع الشيبس لي يتباع برا (اللون الذهبي) ونحوهم تنبيه (كي طيب لازم تحطوها في طبسي ولا في كسكاس متحطوهاش على المناديل الورقية إذا حطيتوها على المناديل الورقية راح تطرالكم) وكي طيب نحطوها في طبسي ونرشوها بالملح